康城站係將軍澳既新潛力發展新項目,隨住近年新盤陸續入伙,成為區內另一個優質區域,亦係換樓客熱門選擇
屬於日出康城2C期既領凱,2012年落成,由長江實業及港鐵發展,由6座物業組成屋苑,提供1168個單位,主打大單位。物業最大優勢,係高樓層景觀開揚,望清水灣同銀線灣海景,環境清靜,吸引唔少同區的換樓客解同租入住客。
領凱住戶可以去日出康城既超市同食肆,滿足生活所需,住戶亦可以出返將軍澳,有POP CORN,POP WALK,將軍澳中心,將軍澳廣場等多個商場,除咗有潮流服飾,各式食肆外,亦有戲院,滿足區內區民的需要。
屋苑附近有海濱長廊同單車徑,又有寵物公園,方便住戶消閒。仲未夠喉既話,可以去將軍澳運動場,又或者去將軍澳單車館或公園,除咗有大量康樂設施,公園亦有大草坪,係大人細路消閒的好去處
港鐵站喺附近,可以一程連過海,附近亦都有唔同巴士線同小巴,去九龍及其他區域,,生活圈可以話漸趨完善。加埋將來落成既將藍隧道,交通一啲都唔成問題。
領凱位置95校網,有超過22間小學可供住戶子女入讀,中學亦都有唔少具備優良質素,好似迦密主恩中學、基督教宣道會宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。