居屋係買家上車既大路選擇，如果你既居屋單位，可以不斷破頂，永久保值，相信你都唔會介意住居屋。旺角富榮花園，可以話係九龍居屋之王，呎價長期企硬，加上週邊配套完善，成為換樓人士既心水之選。
位於海庭道既富榮花園，1998年落成，屋苑由18座物業組成，提供3908伙單位，開則由兩房到3房都有。由於間格四正，整體實用率超過八成半，加上位處旺區，並且同奧海城途程好近，吸引唔少買家入市。
由富榮花園行去奧運站都係幾分鐘，而行天橋過旺角區亦都好近，交通方便，除左港鐵，屋苑亦都有唔同既巴士線以供選擇。未來仲會加強基建，可以有天橋直達旺角東站，令富榮花園交通更加方便。
富榮花園屬於31小學校網，有唔少名牌學校，好似兩間油麻地天主教小學，循道學校，都係傳統小學名校。而油尖旺區有大約20間中學，其中3間直資。例如拔萃女書院、九龍華仁書院、真光女書院，嘉諾撒聖馬利書院、等，都係所有家長夢寐以求既中學。
富榮花園樓下有大量民生商舖，鄰近亦有廟街，有馳名的小炒及煲仔飯。另外，奧海城喺正隔離，商場有齊住戶所需，大型超市、食肆、戲院都有。而附近既櫻桃街公園有球場及緩跑徑，方便鍾意運動既住戶。