作為主人,重視自己主子嘅生活需求已經成為一種本能! 所以搵樓揀地方住,自然想搵啲人寵都住得舒適嘅地點。 今集我地去到何文田同啟德,一齊幫你同寵物搵個好居所!
自從啟德跑道公園成為「寵物共享公園」之後,啟德就成為唔少毛孩嘅聚腳地! 呢個公園嘅草地一望無際,任你嘅主子狂奔放電, 一望無際嘅,仲有啟德海景!清風送爽,俾你同寵物一齊享受歡樂時間。 喺公園附近,就有兩個特色屋苑,適合你同主子一齊居住!
第一個介紹嘅係啟德1號2期 位於沐寧街8號嘅啟德1號2期,共分9座物業,提供624個單位,面積由375至2414尺不等。 房戶開則多元化,而且樓底高達3米,底座就以4房特色單位為主,適合寵物成群嘅主人。 交通方面,港鐵啟德站距離大約3-5分鐘 鄰近嘅啟晴村、譽.港灣有多條巴士、小巴線,貫通港九新界,非常全面 平時無論返工返學,甚至搭地鐵過去郵輪碼頭同寵物散步都非常方便。
而第二個單位,就係同一條街嘅龍譽 位於沐寧街9號嘅龍譽,由4幢高層住宅,以及2幢樓高6層嘅物業組成,總共930個單位 屋苑約六成半以上的單位為一至兩房設計,而大部份單位都有露台以及工作平台 低座嘅兩幢物業,就以複式單位為主,設有私人花園,平台等等,為住戶同寵物提供更大嘅活動空間 如果住戶想購物嘅話,可以行去附近譽.港灣嘅Mikiki,呢度仲要係歡迎寵物嘅商場,可以放小型狗隻落地行架!
跟住落嚟介紹嘅屋苑,喺寵物界都非常出名,就鄰近何文田同土瓜灣嘅半山壹號 位於常盛街嘅半山壹號,係區內其中一個旗艦級豪宅屋苑 屋苑分兩期發展,有26座分層住宅,同埋九座獨立屋,合共33座物業 由於主打三房同四房嘅大單位,而且樓底特高,令唔少大型寵物嘅主人都趨之若鶩 而且部份複式同埋高層單位,仲響有私人泳池同埋空中花園添 不過數到寵物最開心嘅,就係屋苑除咗五星級設施外,仲設有寵物會所,住戶同埋主子,可以一齊結伴,嘆番夠本。住喺呢度生活非常便利,屋苑樓下已經有自設嘅商場,提供超市食肆。 而且土瓜灣充滿着各式各樣嘅商鋪、食肆以及特色小店,大把選擇俾你揀 交通方面,呢度距離土瓜灣站大約3-5分鐘,而且下面大馬路巴士路線非常豐富,港九新界全部有齊。