人生踏入置業階段，睇樓搵樓，就成為左生活嘅一個部份 如果去到九龍區，有邊啲樓盤適合新手上車之用？ 今集，我哋就走訪觀塘、何文田同啟德，同你一齊嚟個上車之旅啦！
第一站，我哋先去何文田，同大家一齊睇嚇俊民苑。 80年代落成嘅俊民苑，屬於房委會嘅居屋，12座大廈提供1800個單位，單位間隔以兩至三房為主，實用率超過八成！ 而且作為早期居屋，大部份單位都已經補曬地價，上車就可以煩少樣野啦 呢度生活指數非常高，周邊嘅配套非常充足，例如對面就有愛民村街市同埋愛民廣場，提供充足飲食選擇。俊民苑樓下有唔少巴士同小巴，直達紅磡尖沙咀以及港島區，而何文田站都只係距離8至10分鐘，交通往返都非常方便。而且呢度校網又好，環境又清幽，所以一有盤放就即刻爭崩頭。
第二個要介紹嘅就係啟德站旁邊嘅嘉匯。 嘉匯位於沐寧街7號，2018年入伙，由嘉華國際發展。 屋苑由4幢樓高34層嘅高座，同埋4幢樓高6層嘅特色低座，合共8座物業組成， 屋苑單位供應量約900伙，實用面積介乎於325尺至2193尺。 高座單位主打一至兩房，數量佔整個屋苑約7成，成為唔少想買新樓人士嘅上車天堂。 交通方面，行去港鐵啟德站大約3-5分鐘，隔離嘅啟晴村，或者譽．港灣附近，都有多條巴士、小巴線，貫通港九新界，非常全面。 平日消費，可以去旁邊嘅晴朗商場，或者譽．港灣嘅Mikiki！啟德站坐去鑽石山，仲有荷里活廣場添！絕對滿足到各種生活需求！
最後去到觀塘區，一齊睇下「觀月．樺峯」。項目2014年入夥，屬於市建局重建項目，由信和集團共同發展， 觀月．樺峯樓齡較新，充滿歐陸式設計！物業為一座39層高嘅單幢式住宅，有299個單位 呢度實用面積介乎400幾至1300幾呎，提供一房至四房嘅多元化設計，適合不同上車預算嘅人士！ 交通方面，屋苑樓下係觀塘交通匯聚嘅月華街，港九新界嘅交通應有盡有 而且觀塘站只需要行3-5分鐘，返工返學都不成問題……當然，如果你係觀塘返工，就更加無需考慮啦！ 生活方面，觀塘蒲點多多，觀塘廣場、APM、工廈商鋪等等充滿選擇，行最遠只係10分鐘左右，假日出門，就自然更多諗頭。