作為家長,有時候選擇校網比選擇物業更加煩惱。 師資質素,升學前途,交通配套,居住空間,仲要計埋日後嘅生活前景﹐真係好易無晒方向。 不過,今集就向大家推介一下紅磡嘅校網,順便分享吓優質嘅家庭屋苑!
35校網嘅小學唔算多,但係質量有保證,馬頭涌官立小學、聖公會奉基千禧小學等等,師資優良,風評甚佳,每年入讀名校嘅學生都為數不少。 至於九龍城中學校網,名校級數冠絕港九,每年唔少家長為咗子女都爭崩頭。
所以,家長想係呢區搵樓,黃埔花園就係熱門之一。黃埔花園由和黃發展,一共分為12期,由88座樓宇組成,超過一萬個單位。 屋苑單位面積大概五百幾至到700幾尺左右,亦有部份座數提供超過1000尺嘅單位。 作為區內嘅大型藍籌屋苑,黃埔花園嘅生活配套非常充足。 屋苑唔同座數附近,都有黃埔站嘅出入口,方便返工返學 有唔少出入口仲會連接埋附近嘅商場、超市,每一個住戶上落都極為方便。 而且食肆、百貨公司、戲院、休閒、潮牌雲集,屋苑附近仲有大型嘅兒童遊樂中心,俾你陪小朋友一齊玩添。
第二個要介紹嘅優質屋苑,就係半島豪庭。 整個屋苑分五座,合共1669個住宅單位。 屋苑提供開放式到1-4房單位,亦有少量高層複式超過2000尺嘅單位,方便大型家庭選擇 平日照顧小朋友,假日想抖抖?半島豪庭擁有頂級住客會所,超過50項設施俾你選擇 出行亦都非常方便!屋苑有天橋連接紅磡火車站,行大約5-8分鐘就到 想過海,亦可以到紅隧口嘅巴士站選擇適合嘅路線,絕對可以方便小朋友跨區返學 平日想行街?去尖沙咀一個站就到!或者去隔離黃埔嘅購物圈,都好多唔同嘅選擇。
如果想選擇間隔大啲嘅屋苑,咁就要睇埋海逸豪園啦 海逸豪園,坐擁紅磡海濱嘅無敵海景!四期25座合共4000幾個單位。 遠單位戶型設計多元化,價格豐儉由人,適合不同預算嘅父母。 屋苑以歐陸式庭院設計為主,環境清幽,配合無敵嘅海景,豪華嘅大型會所,令家庭生活更添寫意 交通生活配套相當完善,除咗有交通中心穿梭港九之外,黃埔站亦只相距5分鐘路程。 而且鄰近幾間小學只係一街隔,父母接送就更加方便。 屋苑亦自設商場海逸坊,裡面超市食肆齊備,診所兒科補習社一應俱全!足以保證小朋友可以喺舒適嘅環境之下長大。