今年港九核心區域嘅樓盤,樓價並唔係咁容易負擔,唔少相上車嘅朋友,都會轉去睇一啲成熟發展嘅新界地區。 今年荃灣唔少樓盤銳意打造成為上車格局,吸引年青人踏上上車路,今集就為大家介紹一下!
綠楊新邨、爵悅庭、樂悠居,呢三個屋苑都係近年荃灣上車嘅指標,佢哋三個都各具特色。 綠楊新邨,望落新淨企理 ,唔講都未必知道係80年代入伙嘅樓盤。 屋苑由17座物業組成,擁有4000個單位,提供兩至三房間隔,平均470幾至580幾呎左右。 三個屋苑當中,要數佢交通最便利,全因為屋苑喺正荃灣站上蓋。 普遍港九嘅鐵路上該屋苑,樓價都唔係容易負擔,但係綠楊新邨價格相對親民,間位四正,實用率超過八成!單單係呢啲成熟嘅優勢,已經媲美唔少大型嘅私人屋苑。 而且屋苑流通量高,交投活躍,係三個屋苑當中最容易搵到心水靚盤嘅地方 生活方面,荃灣站附近嘅大型購物商圈,場面都係唔少人搵食尋寶嘅地方,住喺度,生活仲有乜嘢好擔心?
但如果閣下想搵一啲樓齡比較新少少嘅屋苑,楊屋道有兩座有工廈改建而成嘅屋苑-爵悅庭、樂悠居,可能啱你心水 。樂悠居屬於單幢式住宅,05年入伙!單位總數約960個 主打一房戶,空間感強,大部份單位都講緊係4至600尺左右,所以相比爵悅庭主打兩至三房,呢度更適合1-2人用戶, 而且佢樓底高達10呎,係三個屋苑之冠!網上唔少室內設計影片,都會見到呢個屋苑嘅蹤跡 生活方面,樂悠居下面嘅樂悠商場有齊一站式飲食生活嘅商舖超市,再唔係行10分鐘就到荃灣西站,近年大型日式百貨公司不斷進駐,唔搭車,行吓街都一樣咁方便。
第三個介紹嘅,就係爵悅庭,三個屋苑當中,佢嘅服務可以話係最優質 屋苑由新鴻基發展,四座物業提供1600百幾個單位,提供1-3房選擇。 佢最大特色,就係以酒店式服務作為大賣點,而且級數可以話係冠絕荃灣,甚至周邊同類屋苑都相當罕有! 單位裝修設備豪華,令唔少上車人士可以慳返筆裝修費!加上樓層超過40樓咁高,中高層嘅住戶仲可以遠望荃灣嘅靚景添!對比豪宅及屋院,呢度嘅性價比簡直就係超高。 而且附近生活條件充足,你有街市,亦有大量嘅飲食熱點,行過少少荃灣西站,亦有好多商場商店可以俾你選擇 以上三個屋苑有冇你心水之選?