海天一色既海景，的確係買家既心頭好，擁有漁港風情既鴨脷洲，以往因為交通問題，令買家進退兩難，2016年南港島線通車後，交通同無敵海景，可以兩者同時兼得。
位於鴨脷洲海旁道既南灣，坐擁背山面海優勢，同時有時尚外型，吸引唔少中產一族同埋換樓人士。屋苑由五座物業組成，合共提供715伙單位，唔同呎數都有，樓底11呎高，室內空間十足。加上會所設施多元化，泳池、健身室…等等，其中室外健身室更加可以一路暢泳，一路望海景，好似置身加勒比海渡假酒店一樣。
雖然港鐵唔係直達門口，但係步行都係大約15分鐘之內，就可以去到利東站。屋苑有穿梭巴士去銅鑼灣，又可以步行去利東邨，多條巴士線同小巴線，俾你唔同既交通選擇，加上港鐵通實後，區內塞車情況減少，南灣去邊度都好方便。
南灣住客可以去深灣軒解3餐，同時可以去利東邨，買齊所有民生用品，又或者去返香港仔，亦都有唔同既選擇。想SHOPPING，出返銅鑼灣就任何類型店舖都有，想買乜就買乜。
南灣屬於小學18網，中學屬於南區，當中嘉諾撒聖心係傳統名校，仲有聖公會呂明才中學、香港真光書院，都係南區著名中學。當然唔少南灣住戶，都會選擇香港區既國際學校，俾子女更元化教育。