大家細個都去過大圍單車公園，當時去大圍勝在就腳方便，同時四圍配套完善，玩完一日都令你樂而忘返。自從港鐵及馬鐵先後落城，加上青沙隧道通車後，大圍交通比以往更方便，當年既單車公園，變成左今日既名城，同時成為大圍既市中心物業。
由長江實業發展的名城，合共3期，屋苑由12座物業組成，提供超過4000個單位，大部份單位屬於3房或以上，由於大部份係大單位開則，開售初期吸引好多玩樓客同埋國內投資者入貨。
名城最大優勢，係毗鄰大圍港鐵站，去九龍唔駛十分鐘，而去馬鞍山搭東鐵都係半小時之內。大圍同時係沙中線既轉乘站，住戶鐵路選擇更多更快。大圍有多條巴士線可供選擇，去港九新界都十分方便，交通便利令絕對係吸引買家既最重要因素。
大圍市中心雖然無大型商場，但係港鐵站附近生活圈真係多選擇到不得了，各式特色食肆、型格食舖、酒吧等等，都係行兩步就到。要買生活用品，亦都有大型街市，想SHOPPING，搭一個站去新城市廣場就真係乜都有，由潮流衣服同、中西美食、大型日式百貨都有，生活選擇豐儉由人。
名城屬於小學88校網，家長有唔少學校可以選擇，好似沙田官立小學、聖母無玷聖心學校、陳元喜小學同張煊昌學校。中學屬於沙田區，有好多名校可供選擇，包括沙田崇真、沙田官立，沙田蘇浙公學以及聖羅撒書院，都係區內熱門學校之選，好多家長都想子女報讀。