傳統港鐵沿線嘅屋苑，相信大家都好熟悉， 不過，近年唔少新站相繼落成，有啲地區已經變成左港鐵嘅覆蓋範圍， 例如今集介紹嘅啟德，就係一個極具潛力嘅新地點！
自從啟德站落成後，一街之隔嘅沐寧街，高級住宅林立，即刻備受追捧！ 第一個介紹嘅，就係啟德1號2期。 佢位於沐寧街8號，由中國海外發展，屬於政府港人港地嘅項目，2017年正式入伙， 屋苑分高座同低座，合共9個物業，提供624個單位，面積由375至2414尺不等， 開則由1房至4房都有，高座單位五梯十戶，樓底高達3米，底座就以4房特色單位為主 交通方面，港鐵啟德站同屋苑相距只係3-5分鐘，出入非常方便！
第二個要介紹嘅就係啟德1號旁邊嘅嘉匯。 嘉匯位於沐寧街7號，2018年入伙，由嘉華國際發展。 屋苑由4幢樓高34層嘅高座，同埋4幢樓高6層嘅特色低座，合共8座物業組成， 屋苑單位供應量約900伙，實用面積介乎於325尺至2193尺。 高座單位主打一至兩房，數量佔整個屋苑約7成，所以成為唔少上車同埋換樓人士眼中嘅新貴。 交通方面，行去港鐵啟德站大約3-5分鐘，轉眼就到。 想搵巴士路線？行大約5-10分鐘，前往隔離嘅啟晴村，或者譽・港灣附近，都有多條巴士、小巴線，貫通港九新界，非常全面。
而第三個要介紹嘅，就係龍譽。 龍譽屬於啟德發展區嘅核心項目之一，2019年入伙，位於沐寧街9號。 屋苑由4幢樓高34層，以及2幢樓高6層，合共六座物業組成，單位總共930伙。 高層單位戶型多元化，主打一至兩房間隔，大部份單位都有露台以及工作平台，亦設有特色以及複式單位。 低座嘅兩幢物業，就以複式單位為主，設有私人花園，平台等等，為住戶提供較高嘅私隱度。 以上單位實用面積介乎228尺至2703呎。 交通同樣都係以啟德站同附近嘅巴士路線為主。
以上三個屋苑嘅住戶，想購物嘅話，可以行去附近譽．港灣嘅Mikiki，或者隔離嘅晴朗商場。當然，啟德站坐過去隔離站鑽石山，仲可以有埋荷里活廣場俾你揀 隨着啟德發展項目建設，各類嘅大型商場，主題公園就會相繼落成，呢度絕對會成為九龍區另一個商住核心！