港島東區係唔少人既心頭好，樓低半山一截，環境配套完善，有良好校網，同時交通網絡覆蓋地點多，選擇多元化，而嘉亨灣更加係東區近年最受歡迎既低樓齡盤，係港島換樓客首選。
嘉亨灣由恆基兆業發展，由5座物業組成，提供2020個單位，有兩房、三房、特色戶等等，兩房同三房數目相若，屋苑車位數目有500個，喺新盤黎講，車位數目算好多。屋苑最大賣點係臨海優勢，7成單位都可以望到東區海景，吸引到唔少客戶。
嘉亨灣除左景靚，無敵會所亦都係另一賣點。有泳池、GYM ROOM、兒童遊樂場、閱讀室、品酒區….多到好似置身五星級酒店一樣，令你唔想出街。最正屋苑可以養狗，提供寵物天地，照顧你生活所需。
屋苑近港鐵站，腳程有限，一陣就到。同時有多條巴士線去港九各區。如果唔想搭巴士同鐵路，可以搭叮叮感受香港風情，又可以去附近搭船，無論用邊種交通工具，嘉亨灣都唔會失預算。
嘉亨灣同時享受優皮士生活，住戶可以去海濱長廊同狗狗散步，或者自己跑步，又可以去電影資料館尋找香港電影故事。得閒去鯉景灣既蘇豪區，感受外國風情，嘆下午茶睇海景。生活用品可以去西灣河有齊所有民生所需，要多選擇又可以去太古城。SHOPPING、消閒樣樣齊。
嘉亨灣屬於小學14校網，唔少出名小學可供家長選擇，包括北角循道小學、北角衛理，滬江小學，香港嘉諾撒學校等。中學亦有唔少傳統名校，好似庇理羅士女子中學、港島民生書院、張祝珊英文中學等等。