灣仔商業核心區住宅，深受年輕中產一族以及專業人士歡迎，收租客源有保証。近年區內唔少重建項目，為心儀灣仔區既客戶提供唔同選擇。
2007年落成既嘉薈軒，屬於單幢式物業，座落莊士敦道，外型時尚，樓底特高，係近年灣仔優質二手盤既代表。樓高30層，提供380伙單位，以開放式同一房為主。會所設於頂層，樓下係特色商舖。整個格調，適合中區單身才俊租客。
嘉薈軒行出莊士敦道，已經有齊全部民生品同商舖，隔離囍匯有商場同酒吧等唔同選擇，唔少區外人都慕名而來，感受進化的囍帖街。此外，灣仔有唔少特色商場，好似灣仔電腦城，係大家經常到訪既商場。屋苑對面既修頓球場同體育館，係足球同籃球勝地，同三五知己一齊睇波同做運動都合適。
嘉薈軒屬於12小學校網，係傳統名校網，聖保祿學校小學部、玫瑰崗學校小學部、聖若瑟小學、瑪利曼小學部，都係家長首選。灣仔區亦都係香港中學名校重鎮，皇仁書院、香港華仁書院、聖保祿學校、鄧肇堅中學，絕對係大家耳熟能詳既著名學校名字。
講到交通網，灣仔區完全係無敵是最寂寞。往返港島各單，電車10零分鐘就去到中環。另外行出兩步，去香港、九龍、新界既巴士乜選擇都有。去南區亦都有專線小巴。趕時間當然最好就搭港鐵，兩步就行到灣仔站，唔鍾意陸路交通過海，搭船都仲可以，無地方去唔倒。