曾經係結婚前必到既勝地，流行曲將呢條街唱到街知巷聞，舊日灣仔囍帖街，今日成為另一地標式樓盤囍匯。由於位處灣仔商業核心區，深受年輕中產一以及專業人士歡迎，收租客源有保証。
座落太源街33號既囍匯，由四座物業組成，樓高30層，合共提供1299個單位。由開放式到3房開積都有，唔同類型買家都有選擇。同時設有特色戶比買家選擇。項目第一期2013年落成，第二期2015年落成。囍匯設有會所、泳池、健身室，令住戶有好多消閒選擇，要健身都唔駛出街。同時有商場同酒吧等唔同選擇，除左住戶之外，唔少區外人都慕名而來，感受進化的囍帖街。
講到交通網，灣仔區可以話無得輸。搭電車10零分鐘就去到中環。行出兩步，去香港、九龍、新界既巴士乜選擇都有。去南區亦都有專線小巴。趕時間當然最好就搭港鐵，兩步就行到灣仔站。
灣仔區搵食買野既選擇多不勝數，剩係一條莊士敦道，唔同形式既舖頭，行到你腳軟都未行完。春園街一帶既隱世特色美食，亦都係區外人經常到訪既勝地，逐間試都有排揀，住喺囍匯，真係好易搵啖食。
對面既修頓球場同體育館，可以睇甲一同香港著名球星比賽。而灣仔電腦城的電腦產品亦都係多不勝數。
囍匯屬於12小學校網，係傳統名校網，聖保祿學校小學部、玫瑰崗學校小學部、聖若瑟小學、瑪利曼小學部，都係家長首選。灣仔區亦都係香港中學名校集中地，皇仁書院、香港華仁書院、聖保祿學校、鄧肇堅中學，絕對係大家耳熟能詳既著名學校。