深水埗係傳統商住混合區,不過隨住近年發展,西九龍住宅群出現結構性變天,位於D2對面既西九四小龍,由於鄰近港鐵,同時交通四通八達,樓價好似鑽石咁硬。
今次同大家介紹嘅係四小龍之一既宇晴軒,屋苑由6座物業組成,提供超過2200個單位,2005年入伙,屬於樓齡較新既物業。主攻兩房單位,三房佔總數兩成,面積500-600幾呎左右。大部份單位主要望內園同街境,不過位置單位,景觀比其他四小龍屋苑開揚。第六至第7座前排單位,可望西九龍市景同埋部份維港海景。
宇晴軒的交通極為方便,由屋苑步行到對面荔枝角站,只係幾分鐘,話咁快就到,長沙灣道同荔枝角度巴士線超多選擇,而車位更加超過600個,養車一族唔駛為車位煩惱。
宇晴軒既會所有唔少設施,住戶放工同放假都可以足不出戶,消閒運動都可以自行選擇。宇晴軒同其餘屋苑既商場相連,組成自成一角既生活圈,有大型超市、連鎖快餐店,行過兩步亦都有日式百貨,基本上生活可以不假外求,滿足基本需要。又或者可以行天橋過海麗村,有唔少民生商店,比住戶有更多既選擇。
宇晴軒屬於小學40校網,而中學就係深水埗區,例如德貞女子中學,歷史悠久嘅英華書院、聖瑪加利男女英文中小學等等,都係熱門名校之選。