港鐵將軍澳站，近年各項基建相繼落成，形成完善既生活圈，無論交通、生活百貨、校網，都俾買家有唔同選擇，絕對係置業不敗保值之選。將軍澳站私樓林立，但仍然有價錢平，呎數夠、近鐵路乎合用家要求，寶盈花園就係其中例子。
寶盈花園係2001年落成既居屋，由8座物業組成，屬於康和式設計，樓高40層，提供3200伙單位。有兩房到3房設計，同時係香港第一個智能居屋，實用率接近八成，深受用家歡迎。
寶盈花園屬於95小學校網，有超過22間小學可供住戶子女入讀，當中部份深受區內家長歡迎，好似梁潔華小學、將軍澳天主教小學、宣基小學。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。
寶盈花園有生活用品同民生商舖，對面馬路既將軍澳廣場有街市，可以有齊乾濕貨品，有更加多元化選擇。如果你想有優閒生活，行兩步就有兩間酒店選擇HIGH TEA。喜歡運動，可以去調景嶺體育館、將軍澳單車館，又或者去將軍澳運動場跑步，亦可以選擇海濱長廊同公園休息。
寶盈花園交通方便，係另一賣點，由屋苑步行到將軍澳，大約5分鐘，由將軍澳站往港九各站都十分方便，成為上班一族既選擇。除左港鐵，寶盈花園亦都有唔少巴士線供住戶選擇，交通絕對方便。