【帝後華庭】商廈群中的大型屋苑

https://www.youtube.com/watch?v=oxCvvVEXvG0

港島區唔少甲級商廈吸引國際投資者設置辦公室,不過中上環地段要搵有質素大型屋苑並唔容易,不過位處上環既帝後華庭,可以話係同區少數既大型屋苑,無論自住或者投資放租,都有價有市。

由長實、新世界同市建局共同合作既帝後華庭,2003年落成。位於皇后街一號,可以話係上環核心地段,屋苑由3座物業組成,合共提供1148個單位,開則以兩房同三房為主,間格四正,方便傢俬擺位,由於地點就腳,吸引唔少中環上班族置業或者租住,無論自住同收租,都係保值之選。

帝後華庭步行去西營盤站大約6分鐘,上環站大約8分鐘,絕對就腳方便。屋苑附近有多條巴士線、小巴,以及紅VAN,去每一區都方便。加上臨近西隧,唔少巴士去新界西都特別快。如果要去澳門,港澳碼頭就喺附近,交通絕對方便。

帝後華庭不設會所,但係附近設施眾多,好似上環體育中心,內有體育館及圖書館,另外鄰近中山紀念公園及英皇佐治五世公園、有球場及草地休憩空間,都係住戶好去處,附近既皇后街市同熟食市場,有唔少隱世美食。而附近既信德中心亦有多間店舖及餐廳。而海味舖、名店都喺附近,生活選擇多到你揀唔完。
帝後華庭 最大賣點,係小學11校網。呢個校綱名校雲集,好似般咸道官立小學、嘉諾撒聖心書院、聖公會聖彼得小學、聖士提反女子中學附屬小學,都係家長心儀名校。中學屬於中西區,傳統名校林立,好似聖嘉勒女書院、聖保羅書院、聖保羅男女中學、聖若瑟英文中學、聖士提反女子中學、英皇書院,都係老牌名校。

想了解多啲屋苑資訊?立即按此查詢!

相關文章 :

分享: