將軍澳寶林站屬早期發展，人口密度較高，而將軍澳站既整體規劃有多大自然同綠化元素，讓住戶有更好既生活環境，帝景灣可以話係將軍澳站既優質中產盤。
位於唐賢街既帝景灣，2016年落成，屋苑由7座物業組成，合共提供536伙單位。開則由1房到4房都有，呎數由300幾到1000幾呎都有。屋苑毗鄰中央大道以及將軍澳海濱公園，可享有海景同埋開揚景觀。由於呎數範圍大，上車一族同換樓客都合心水。
帝景灣雖然無大型商場，但係生活選擇非常多。POP WALK、都會駅、POPCORN、將軍澳中心同埋將軍澳廣場，林林總總既購物選擇都有。除左購物，住戶亦都可以選擇到區內既酒店，HIGH TEA享受生活。如果你喜歡運動，可以去調景嶺體育館、將軍澳單車館，又或者去將軍澳運動場跑步，亦可以選擇海濱長廊同公園休息。
帝景灣位處95校網，有超過22間小學可供住戶子女入讀，當中部份深受區內家長歡迎，好將軍澳天主教小學、宣基小學。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。
帝景灣步行去將軍澳站，大約8分鐘，出街返工話咁快就到。區內有多條巴士同小巴線可以去港九新界各地，同時有巴士直達機場。就算通宵亦都有車出港島，真係24小時都有車返屋企。