東九龍近年有唔少新盤，不過講到地點配套最好的同設備最完善，首推九龍灣區。由於淘大同九龍灣呎價硬淨，細價樓可供選擇唔算多，不過呎數較細既得寶花園就係年青人既上車選擇。
得寶花園雖然樓齡超過30年，但係2010年曾經翻新。屋苑由恆基兆業發展，提供超過2000個單位，屋苑由八座物業組成，呎數由280呎至400呎都有，開則為一房同兩房單位，雖然呎數細，但勝在室內間格四正，適合上車一族。
得寶花園既生活配套完善到不得了。樓下有商場，滿足基本生活需要，對面德福廣場一、二期有齊所有大型百貨，去SHOPPING唔駛搭車。唔夠喉去埋MEGA BOX，有戲院同溜冰場，同埋超過10層 既商場任你行到腳軟都未行完。仲有九龍灣展貿中心都有唔少選擇，睇戲都一流。想搵民生商舖，過對面淘大同牛頭角街市就可以搵到。
講到交通，得寶花園真係絕對無敵。位處港鐵九龍灣站對面，兩步路就有鐵路。觀塘道既巴士、小巴，多到你揀半日都得，就算唔搭港鐵，去港九新界都無問題。如果唔想搭車，去觀塘碼頭搭船過海都仲得。
得寶花園屬於小學46校網。包括九龍灣聖若翰天主教小學，佐敦谷聖若瑟天主教小學，浸信宣道會呂明才小學亦大受家長歡迎，至於中學就屬於觀塘區， 好似聖傑靈女子中學、藍田聖保祿中學、聖言中學，觀塘官立中學都係區內較受歡迎的學校。