寶林站附近物業，係將軍澳早期發展區域，喺眾多私樓群中，住戶有唔少選擇，不過要搵到寧靜環境，同時又有完善生活配套，都唔係無選擇，怡心園就係熱門上車盤。
當年因為房屋政策改變，怡心園由夾屋變私樓，創下一星期出售超過一千伙既驚人紀錄。環境清幽，山景翠綠，相對新落成物業，密度唔算高。2000年落成既怡心園，由5座物業組成，提供1500個單位，係上車盤熱門之選。開則有兩房同三房，其中三房佔多數，而面積由500幾-800呎，相對區內其他屋苑，呎碼都大一截，加上怡心園間格好用，同時設有會所，係唔少換樓客既選擇。
怡心園雖然不設商場，但對面既慧安園已經可以滿足生活所需。想跑步，打網球，對面就有寶翠公園，附近係寶林體育館可以打羽毛球。商場設有民生商舖同特色港式美食，一落街就有野食。行入寶林邨，街市商場有齊所有用品，乾濕貨齊備，同時係平民食堂。想SHOPPING多選擇，梗係去新都城，三期商場點行都得。
怡心園95校網，有超過22間小學可供住戶子女入讀，當中部份深受區內家長歡迎好似將軍澳天主教小學、宣基小學，都係熱門之選。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇
喺港鐵通車前，寶林係巴士總站，，巴士線路選擇多，港鐵寶林站落成後，交通配套更見完善。由怡心園步行去港鐵賓林站大約8分鐘，去港九各地無難道。同時寶康路同寶林路有好多巴士、小巴選擇，交通絕對方便。