元朗過去交通一直都係出入最大問題,隨住各項基建落成,以及西鐵通車後,交通問題徹底解決,樓價好似坐火箭一樣。元朗市鎮亦由傳統地區,變成新界西既中心地帶,社區形態大變身。
新時代廣場YOHO TOWN係元朗既龍頭屋苑,位置元朗西鐵站上蓋,地利無可匹敵。屋苑由新鴻基發展,由八座物業組成屋苑,提供2200個單位,間格多元化,開則有一房至四房單位都有,適合上車年青一族以及俾財力雄厚既換樓客,有更多選擇。
新時代廣場生活配套完善,YOHO MALL係元朗最大型既商場,戲院、潮流服飾、日式百貨同各式食肆一應俱全。如果想享受傳統元朗美食,大馬路多到你揀唔曬,中西美食同埋傳統糕點,樣樣有齊。
新時代廣場最大賣點,就係身處元朗中樞交通網。西鐵由元朗出九龍半個鐘左右,而樓下既巴士總站線路多不勝數,去香港、九龍、新界都無難度,一車直達。出返大馬路,亦有輕鐵同小巴,遠近交通工具都有得任揀。
YOHO TOWN屬於小學74校網,區內有唔少具質素小學,元朗區中學亦都有好多名校,天主教崇德英文書院、新界鄉議局元朗區中學、元朗信義中學,都係元朗區內著名學校,好多家長爭住報名。