位於寶林站，由三期物業合共21座組成既新都城，提供6000個單位，係將軍澳其中一個最大型私人屋苑，同時亦都係區內盤源較多選擇既屋苑。
新都城原址為巴士總站，隨住新市鎮發展，而家係將軍澳其中一個中心地帶。三期物業兩房同三房開積都有，新都城同慧安園、東港城、富麗花園，都係將軍澳早期落成既私人樓宇，樓齡稍高於同區樓宇。
新都城其中一個最大優勢，係三個商場有天橋連接，形成大型相連店舖，自成一角既生活圈基本上不假外求。食肆、超市、電器用品、服裝等等一應俱全。想去民生店舖，對面馬路寶林邨有齊住戶既選擇。
喺港鐵通車前，將軍澳既交通係絕對死穴，隨住將軍澳線通車，解決區內交通問題。同時新都城附近有巴士總站，有唔少巴士線往來港九各地。除左巴士，行出寶林路亦有小巴路線，連去西貢都係一程車攪掂。
區內周邊康體設施亦很齊全，鄰近有將軍澳海濱公園及海濱長廊，附近的將軍澳運動場、香港單車館及公園，更是一家大細周末的好去處，單車館公園有大片草地，又有人工湖，啱晒親子活動。
新都城位處95校網，有超過22間小學可供住戶子女入讀，而中學亦都有唔少具備優良質素，好似迦密主恩中學、基督教宣道會宣基中學同將軍澳官立中學，都係區內傳統名校。深受區內家長歡迎。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。