坐落西九龍法院旁既星匯居，由恆基發展，2008年落成，屋苑由兩座物業組成，樓高40層，提供400個單位，有一房至四房開則，同時設露台，可飽覽海景同市景。星匯居既前排單位可以望部份維港景以及昂船洲海景，吸引唔少換樓客置業。同時會所設計特別，平台設泳池、健身室，高層就係休閒區、宴會廳同按摩區。
西有龍區近年推出唔少重建項目，除左四小龍，同區亦都有唔少優盤，位置理想，交通方便以及景觀開揚，而且樓齡新，適合換樓一族，星匯居就係其中例子。
星匯居交通便利，最吸引買家。由屋苑行落港鐵長沙灣站只係5分鐘，西鐵南昌站都係十分鐘左右唔鍾意搭港鐵，可以去返長沙灣道同荔枝角道搭巴士同小巴，總有一條線啱你，而且仲有通宵車，基本上任何時間，去全港九任何地方都無問題。
星匯居屬於小學40校網，好似協和小學、荔枝角天主教小學，深水埗官立小學，都係家長心儀選擇。中學屬於深水埗區，好學校亦都唔少有德貞女子中學，歷史悠久既英華書院、聖馬加利男女英文中小學，同埋長沙灣天主教等等，都係熱門名校之選。
星匯居住客要解決日常生活所需，行一陣去幸福商場就已經有齊食肆、超市同日用品店舖。另外近年落成既潮人匯聚點D2PLACE，有唔少特色潮人型格商舖，啱曬年青中産一族。