由新鴻基發展既曼克頓山，2006年落成，前身係九巴車廠。屋苑有7成單位可以望海景，屋苑由五座物業組成，提供1115伙單位，樓高40-42層。正如美國名城曼克頓一樣，屋苑既豪又現代化，當年屬於全城矚目豪華盤。開則兩房至四房，亦有複式盤，由於單邊開揚，部份低層單位都可以望到維港景，難怪成為中産向上流動盤。
美孚新邨係西九龍既中產龍頭，配套完善，兩鐵匯聚。唔少有實力買家，希望有高質素選擇，近年落成既曼克頓山，正正係中産上流指標屋苑。
曼克頓山步行去美孚站只係幾分鐘，西鐵、港鐵任君選擇，過海同去新界一樣方便。除左港鐵，美孚有巴士總站，有多條巴士線，長沙灣道海量巴士線，俾住戶極多選擇，同時有通宵線，24小時無間交通。
曼克頓山除左有豪華會所，住戶有高級生活享受之外，同時設有商場，有唔同商舖以及食肆。行兩步去美孚新邨，更加有唔少民生商舖同超市，生活基本上不假外求，如果想去大型商場，港鐵沿線選擇眾多，例如奧海城，西九龍中心。
除咗購物，區內有唔少公共空間俾住戶使用，同時附近亦有大型公園同運動設施，適合一家大細做運動，培養健康生活習慣。
曼克頓山屬於小學40校網，好似協和小學、深水埗官立小學，都係家長心儀選擇。中學屬於深水埗區，好學校亦都唔少有德貞女子中學，歷史悠久既英華書院、聖馬加利男女英文中小學，同埋長沙灣天主教等等，都係熱門名校之選。