元朗匯聚唔少單幢式或者小型屋苑,具規模屋苑近年先出現,不過部份項目可能會人多密度高。喺市中心有高實用率,並且屬於中低密度住宅,長年成為元朗換樓客既心水之選,講緊就係朗晴居。
朗晴居由新鴻基發展,雖然係1997年入伙,但保養新淨,唔覺有20年樓齡。屋苑由13座物業組成,合共提供1100伙單位,兩房同三房開則均有,同時設有豪華會所,而且地利優勢,吸引投資者及換樓客注意。
由屋苑步行去元朗市中心亦好方便,除咗有商場,亦有多間地道小食,大馬路一帶更多到你揀唔晒,中西美食同埋傳統糕點,樣樣有齊。而YOHO MALL係元朗既大型既商場,有戲院、潮流服飾、日式百貨同各式食肆一應俱全。區內康體設施亦齊備,附近有球場,泳池、劇院,公園等,為居民提供各類消閒娛樂。
朗晴居屬於小學74校網,區內有唔少具質素小學,元朗區中學亦都有好多名校,天主教崇德英文書院、新界鄉議局元朗區中學、元朗信義中學,都係元朗區內著名學校,好多家長爭住報名。
朗晴居雖然唔近元朗西鐵站,但係步行都係12分鐘左右,亦有專車接駁。此外,行出少少既教育路,屬於元朗中樞交通網。西鐵由元朗出九龍半個鐘之內,巴士線路多不勝數,去香港、九龍、新界都無難度,一車直達。出返大馬路,有輕鐵同小巴,遠近交通工具都有得任揀。