荃灣樓盤有唔少選擇，不過要搵型格同精品式既服務住宅並唔算好多，但係楊屋道既樂悠居絕對係單幢式服務住宅既表表者。
由華人置業發展既樂悠居，2005年落成，為單幢式服住宅，提供960伙單位。屋苑開則由一到3都有，其中一房數目唔少，為上車一族帶黎另類選擇。作為精品服務住宅，樂悠居住宅有好多設施包括:戶外泳池、網球場、水療天地、健身室、桑拿及蒸氣浴室、兒童遊戲室、桌球室、音樂室、閱讀室、卡拉OK室、網絡地帶及多用途宴會廳，住戶足不出戶就可以享受生活。
講到交通，樂悠居絕對無得頂，沙咀道巴士線眾多，同時有紅VAN去唔同地點，最重要步行去西鐵站都係10分鐘，去尖東同新界西話咁快就到。要去其他港鐵站，亦都可以考慮去荃灣站上車，兩鐵點都有得揀。
樂悠居毗鄰爵悅庭，四週社區設施眾多，民生舖、小店、日用品、超市，乜都有。附近有悅來坊，鄰近楊屋道街市可以買齊乾濕貨，而荃灣一帶商場好似千色匯、如心廣場、荃新天地，有齊潮流服裝、日本百貨，戲院，食肆等，大把選擇。
仲有荃灣特食肆眾多，有路德圍一帶有大量地道小食及各式餐廳，啱哂鐘意飲飲食食既住戶。
樂悠居屬於小學62校網，有唔少小學都係家長心儀之選，荃灣官立小學、浸信會聯會小學，海霸街官立小學、都係家長熱門選擇。中學方面，荃灣官立中學、可風中學、荃灣公立何傳耀紀念中學，王少清中學，都係荃灣名校，唔少家長都想子女入讀。