過去樓宇政策中，除左居屋之外，夾屋係唔少中產既上車選擇。當年由房協興建既夾屋，好多質素一流，並且有一流景觀，猶如豪宅一樣。
位於荔景半山既浩景臺，可遠眺維港海景、青衣島同九龍半島景緻，被喻為夾屋豪宅。浩景臺1999年落成，係香港房屋協會興建既夾屋。屋苑由六幢29-31層高物業組成，合共1456個單位，一梯8伙，面積由593至820平方呎不等，間格兩至三房，廳有長方同鑽石形買家選擇。
雖然屋苑區內無大型購物，但仲有一間便利店提供日常生活簡單用品。要購物或者買餸、美孚同葵芳都好方便。搭車落新都會廣場同葵涌廣場，有潮流店舖，餐飲食肆，以及大量各式的地道小食都可以搵到，而且仲有戲院，消閒娛樂樣樣齊。
浩景臺位處荔景半山，但係交通都算方便。屋苑一共有五條小巴專線，分別到達葵芳，荃灣，荔景，美孚等地，去港鐵站車程都係10分鐘左右。
浩景臺華景山莊屬於小學65校網，由唔少學校選擇。中學係葵青區，名校林立，聖公會林護紀念中學，安柱中學及蕭明女子中學，都係葵區著名既BAND 1中學，好多家長都希望子女入到呢啲名校。