西九龍區近年大變天,出現各式其式的樓盤,九龍站當然係豪門天堂,不過一站之隔既奧運站亦都有唔少優質盤,而且價錢同九龍站既盤差一大截,同時又可以享受無敵海景,今次同大家介紹浪澄灣。
浪澄灣由恒隆集團發展,由8座樓高52層既物業組成屋苑,一梯4-6伙,提供1829個單位,同時設有4層高既大型住客會所。間格有兩房、三房、複式同特色單位,實用率接近8成,其中百份之75單位屬於兩房,啱晒小家庭居住。
浪澄灣鄰近大型商場奧海城,係西九龍其中一個消費熱點,由屋苑步行都係10分鐘左右就去到,商場有齊住戶所需,大型超市、食肆、戲院等,必定能滿足住戶需求。如果要多啲民生商舖,行去大角咀亦都好方便,特色食肆同街市都有。附近既櫻桃街公園有球場同緩跑徑,方便鍾意運動既你。
屋苑有天橋連接奧運港鐵站,交通方便,同時亦都有多條巴士同小巴路線穿梭港九各地
浪澄灣校網屬於32小學校網,而油尖旺區有大約20間中學,其中3間屬於直資。好似拔卒女書院、九龍華仁書院、真光女書院,嘉諾撒聖馬利書院,都係所有家長夢寐以求既中學。