好多人都想買海景樓,但唔係地點吊腳,就係地點偏遠,要有貼地價錢,但又有無敵海景,市區盤都有唔少選擇,今次介紹荃灣既海灣花園,就可以滿足買家兩個願望
1991年入伙既海灣花園,屋苑由四座物業組成,提供822伙單位。屋苑有兩房同三房開則,由於間格四正好用,實用率有八成,深受用家歡迎。物業有一半可以望到藍巴勒海峽,高層海景更靚更無敵,加上價錢合理,入場門檻較低,係唔少上車一族同換樓客既心儀選擇。
海灣花園既生活配套多選擇,樓下就係商場,能滿足基本生活所需。附近既楊屋道街市、乾濕貨齊備,生猛海鮮、蔬菜樣樣齊備,荃新天地、荃灣廣場、灣景廣場,有齊潮流服裝、日本百貨,戲院,食肆等,多不勝數。
除咗購物,隔離既荃灣公園亦係周末一家大細既消閒好去處,而荃灣海濱更吸引市民前來欣賞日落美景。
講到交通海灣花園可以話完全受惠西鐵通車,自從西鐵通車之後,住戶交通時間有預算,去港島話咁快就到。同時區內有多條唔同巴士同小巴線可供選擇,海灣花園今時今日既交通真係完全唔成問題。
海灣花園屬於小學62校網,荃灣官立小學、浸信會聯會小學,海霸街官立小學、都係家長熱門選擇。中學方面,荃灣官立中學、可風中學、荃灣公立何傳耀紀念中學,王少清中學,都係荃灣名校,唔少家長都想子女入讀。