曾經有一個荀盤喺你面前，你無珍惜，當樓價狂升之後，你就後悔莫及，如果可以返轉頭講一句，我買你，塵世間最痛苦既事，莫過於此。講緊並唔係電影對白，而係當年大家錯過入市良機既淘大花園。
淘大花園係東九龍老牌屋苑，由恆隆地產發展，提供4,896個單位，適合上車一族。屋苑19座，提供約4900個單位。第一、二期近港鐵站，第3、4期係細單位供應主要來源。第4期供應接近500呎較大型單位。
淘大花園既生活配套可以話不假外求，鄰近牛頭角街市，民生用品一應俱全，樓下淘大商場商舖種類林立，外區人都過黎SHOPPING。對面德福廣場一、二期有齊各類店舖，去SHOPPING唔駛搭車。唔夠喉殞以去埋MEGA BOX，10幾層任你行，行到腳軟都未行完。
講到交通，絕對係淘大花園的吸引之處。 屋苑位處港鐵九龍灣站對面， 行去地地站話咁快就到。至於觀塘道既巴士、小巴，路線選擇多，就算唔搭港鐵，去港九新界都無問題。
淘大花園屬於小學46校網。包括九龍灣聖若翰天主教小學，佐敦谷聖若瑟天主教小學，浸信宣道會呂明才小學亦大受家長歡迎，至於中學就屬於觀塘區， 好似聖傑靈女子中學、藍田聖保祿中學、聖言中學，觀塘官立中學都係區內較受歡迎的學校。