港島區住半山，九龍區住九龍塘，兩區都係傳統豪宅勢力範圍，位於九龍塘既畢架山一號，係九龍塘區近年樓齡較新既豪宅。
2004年入伙既畢架山一號，由長江實業發展，屋苑由16座物業組成，樓高8至15層，合共有604個單位，面積由976呎，至2306呎，每座相隔距離多，保持足夠私隱度。
九龍塘名校林立，除左本地學校同時有多間國際學校，而屋苑屬於小學41校網，有拔萃小學，喇沙小學，嘉諾撒聖家學校，九龍塘官立小學等，中學屬於傳統名校九龍城區、包括有喇沙書院、協恩中學、香港培正中學，嘉諾撒聖家書院，都係傳統九龍城區名校。仲有澳洲國際學校，以及耀中國際學校，都係香港著名既國際學校。另外，附近亦 有本港兩所大學，香港城市大學以及浸會大學, 工餘進修亦都好方便。
屋苑鄰近九龍塘港鐵站，而且附近巴士小巴線都有唔少選擇，出入都算方便。
畢架山一號雖然無商舖喺樓下，但係去又一城就非常方便。食肆、溜冰場、戲院、時裝品牌、大型超級市場，全部都有，滿足住戶各類需要 。