好多人揀維港景，都會想起尖沙咀、中環、灣仔一帶，其實有九龍唔少屋苑都可以遠望維港景，同時有齊社區配套。絕對吸引住戶注意。
位於荔園舊址南面既盈暉臺，由長實發展，屋苑設計時尚，加上鄰近港鐵美孚站，深受區內換樓客歡迎。屋苑2002年落成，由3座29層高物業組成，提供696伙單位，間格以兩房同3房為主，由於開則四正，深受用家喜愛，唔少美孚中產客都會選盈暉臺，加上交通方便，海景靚，生活選擇多，盈暉臺保值能力強。
雖然屋苑區內無大型購物商場，但設有盈輝薈商場，提供日常生活所需。要購物或者買餸，行兩步去美孚就好方便。搭車落新都會廣場，有多間潮流服飾，美食餐飲以及戲院；而葵涌廣場就有多間地道小食，吸引唔少人專程過黎搵食。
盈暉臺交通方便，步行去美孚站都係6分鐘，貫通全港網絡。如果要搭巴士，美孚既巴士總站選擇多，同時荔枝角道有唔同巴士經過，去邊都有選擇。要去新界西或者返內地，西鐵美孚站就喺度，認真就腳。
盈暉臺屬於小學校網40，當中唔少學校都係家心頭好，好似荔枝角天主教小學、英華小學、李鄭屋官立小學。中學可選擇葵青區學校，傳統名字好似林護中學、中華傳道會安柱中學、天主教母佑會蕭明中學，都係大家耳熟能詳既名字，準備置業或者換樓既你，搬去盈暉臺都唔駛擔心子女教育問題。