荔枝角四小龍係好多人既心頭好,交通網完善、屋苑配套設備多,生活圈選擇多,碧海藍天雖然規模最細,但海景戶數目最多最開揚。
碧海藍天由5座物業組成屋苑,提供1616伙單位。物業開則有兩房同三房單位,其中兩房佔大多數,面積由600幾呎到700幾呎,由於唔少屬於海景靚單位,吸引好多想換海景樓既買家。
住戶如果想做運動同小朋友去公園玩,附近既荔枝角公園,泳池,深水埗運動場,長沙灣體育館及多個足球場及籃球場,都適合一定大細同鍾意跑步人士使用,彌補四小龍先天不足。
碧海藍天連接泓景台、星悅居、宇晴軒商場,自成一角獨立生活圈,為四小龍住戶提供唔同服務,有大型超市、連鎖快餐店,基本上生活可以不假外求,滿足基本需要。行過海麗村,有唔少民生商店,比住戶有更多既選擇。或者可以去附劌以創意文化產業為主題的D2 PLACE,亦有更多選擇。
由屋苑行落港鐵荔枝角站只係10分鐘,唔鍾意搭港鐵,可以去返長沙灣道同荔枝角道搭巴士同小巴,或者喺海麗商場既巴士總站,都有唔同既巴士、小巴線,總有一條線啱你路線。
碧海藍天屬於小學40校網,有唔少學校選擇,好似中華基督教會協和小學、荔枝角天主教小學同深水埗官立小學。中學屬於深水埗區,有德貞女子中學,歷史悠久既英華書院、聖馬加利男女英文中小學等等,都係區內熱門名校之選。