2000年落成既維港灣,可以話係奧運站既始祖樓盤,屋苑由9座物業組成,提供2314個單位。自設平台花園、會所以及停車場,基本配套齊備。
維港灣同奧海城只係一條天橋之隔,商場有齊住戶所需,大型超市、食肆、戲院都有。如果要多啲民生商舖,行去大角咀亦都好方便,特色食肆同街市都有。附近既櫻桃街公園有球場同緩跑徑,方便鍾意運動既你。
屋苑臨近奧運站,行幾分鐘就可以去到,去港九各區,時間有得預算。同時有巴士、小巴等多條線路,去其他區亦方便。另一個賣點係,由奧運搭一個站可以去到九龍站,轉乘高鐵北上亦好方便,感受大灣區一小時生活圈無難度。
維港灣屬於32小學校網,有唔少名牌學校,好似大角咀天主教、協和小學。油尖旺區大約20間中學,其中3間直資。好多校名都係百年老字號,人人都識。好似女拔卒、九龍華仁、真光書院,聖馬利、伊利沙白中學,都係所有家長夢寐以求既中學。