土瓜灣係一個商住混合區，過去樓宇高度受機場限制，自從機場搬遷之後，有唔少新盤落成，其中部份喺碼頭既優質盤，深受區內換樓客歡迎。
2006年落成既翔龍灣，由恆基發展，2006年入伙，屋苑由5座物業組成，提供1728伙單位。開則由兩房到四房都有。由於選擇多，加上樓齡新，最重要係校網好，無論放租同自住都有價有市，吸引唔少區內換樓客。
翔龍灣自設基座商場，基本生活需要完全能夠滿足，行前少少係牛棚，屬於歷史建築，不定期舉辦唔同類型藝術活動。如果想去商場購物，鄰近既黃埔都係唔錯選擇，有潮流店舖，戲院及地道小食。
講到交通，翔龍灣站時港鐵未通車，要靠巴士同小巴，不過土瓜灣既巴士線又多又密，去邊道都唔係問題，沙中線落成後，屋苑相信更加會有下一幅升浪。由於位處九龍城碼頭，有船去北角，無論海陸兩路交通都有得揀。
翔龍灣位處34小學校網，有唔少學校都係家長心儀，好似協恩中學附屬小學、陳瑞祺喇沙小學，馬頭涌官立小學，都係係家長既熱門選擇。中學校網，屬於九龍城區，可以話係BAND1至強校網，例如香港培正中學，拔萃男書院、喇沙書院、協恩中學，都係傳統九龍城區名校。