好多買家置業時,除左考慮樓齡,仲會睇埋保養以及實內呎碼,好多以往落成既樓宇,雖然未必有好多現代化設備,但係無敵內隴實用呎數,就係最大賣點。
位於華景山路既華景山莊,由於地勢高,屋苑有連天向天橫既氣勢。1984年落成既華景山莊,由22座物業組成屋苑,提供1502伙單位。1A-17座,稱為下華景,18-21座稱為上華景。呎數由500幾到千幾呎都有,並且地方好用見使。
唔好以為華景山莊喺山上淨係有靚山景,同時有兩個會所,設有遊泳池同健身室,同時亦有華景商場,有超市同食肆,滿足住戶基本生活需要。如果要SHOPPING,去葵芳就有大型商場,同時亦有生活百貨,而且有多間地道小食,選擇多到你揀唔晒。
華景山莊設有小巴線駁腳往荔景站,亦有車去長沙灣同荃灣。如果要更多交通路線選擇,可以去葵芳站。除咗有鐵路選擇,亦有大量巴士路我線穿梭各區。
華景山莊屬於小學65校網,由唔少學校選擇。中學係葵青區,名校林立,聖公會林護紀念中學,安柱中學及蕭明女子中學,都係葵區著名既BAND 1中學,好多家長都希望子女入到呢啲名校。