元朗屬於新界西其中一個最大型鄉郊區，不過自從市中心發展以及西鐵通車後，帶動四週物業升值。位於大旗嶺村附近的蝶翠峰，正是享有鄉村寧靜，同時有市區便利既私人屋苑。
蝶翠峰由新世界以及恆基共同發展，2001年落成，屋苑共4期16座樓高14層物業組成，提供1674伙單位，兩兩房到3房開則都有。屋苑同時設有會所，設施包括室外泳池、兒童遊樂場、桌球室等等
蝶翠峰鄰近合益路、鳳悠北街商店食肆林立，要搵食話都無咁易。同區既YOHO MALL係元朗的大型商場，戲院、潮流服飾、日式百貨同各式食肆一應俱全。如果想享受傳統元朗美食，大馬路多到你揀唔晒，中西美食同埋傳統糕點，樣樣有齊。
除左購物商場，平時消閒娛樂、社區設施都一應俱全，無論泳池，球場，體體育館都齊備，周末仲可以去球場睇下波，消閒娛樂選擇多。
蝶翠峰雖然唔近元朗西鐵站，但可以捨穿梭巴士接駁元朗市廣場同市中心一帶。此外，行出少少既教育路，屬於元朗中樞交通網。西鐵由元朗出九龍半個鐘之內，巴士線路多不勝數，去九龍、新界都無難度，一車直達。另外，區內亦有輕鐵同小巴，無論遠近，都實有車去到。
蝶翠峰屬於小學74校網，區內有唔少具質素小學，元朗區中學亦都有好多名校，天主教崇德英文書院、新界鄉議局元朗區中學、元朗信義中學，都係元朗區內著名學校，好多家長爭住報名。