近年觀塘出現多個重建項目，令整個社區變天。有人都認為觀塘市中心太熱鬧，好似旺角咁。不過只要行上少少月華街一帶，就有靜中帶旺兼近港鐵，近年既新盤觀月樺峯，係區內換樓客同中產客既熱門之選。
由市建局重建既項目觀月樺峯，位於月華街八號，原址係巴士總站，為單幢式物業，樓高39層，有299伙單位。實用面積為457至1313呎，開則一房到四房都有，適合大部份用家要求，由於用料實用，加上位置優越，深受用家歡迎。
觀月樺峯位處觀塘市中心，民生商舖樓下就係，瑞和街市更加係區內出名貨靚新鮮，係住戶必到既乾濕貨集中地。要搵食區內乜都有得食，無論係附近工廠特色美食，街坊風味，任君選擇。想SHOPPING，APM係東九龍既地標商場，想要更多選擇，可以去九龍灣德福廣場，淘大廣場以及MEGA BOX，有大量店舖，食肆、戲院及溜冰場，照顧市民消閒娛樂既需要。
觀月樺峯交通絕對方便無比，行幾分鐘就到港鐵站，返工返學有預算。觀塘道巴士線眾多，去邊都有得揀。紅VAN亦都有唔少選擇，通宵都有車搭。仲有另類選擇，可以去觀塘碼頭搭船過海，交通工具多到你有選擇困難症。
觀月樺峯小學校網位於48區，而中學屬於觀塘區，亦都有唔少名校，觀塘官立中學、聖傑靈女子中學、藍田聖保祿中學、聖言中學，都係較受歡迎既學校。