新蒲崗過去係工廠商住混合區，社區熱鬧，同時有唔少特色店舖、隨住啟德發展，區內將會受惠沙中線通車，樓價會有第二昇浪，坐擁有利位置既譽．港灣，更加係區內熱門樓盤，深受換樓客同投資客歡迎。
由新鴻基發展，2010年落成既譽．港灣，前身係新蒲崗裁判法院，屋苑由五座物業組，開則多元化，由一房到四房都有，間格四正。仲有特色戶，觀景開揚，望啟德郵輪區，令唔少人心動。受惠沙中線同啟德發展區帶動，好多投資客都睇好呢區後市。
沙中線未通車，譽．港灣港鐵唔喺樓下，由於過去係工廠區，交通可達度極高。有小巴可以駁腳到港鐵站，就算步行去黃大仙站都係17分鐘左右。太子道東既巴士眾多，過海同去九龍各區都有，住戶唔愁無選擇搭車。
講到生活配套，譽．港灣選擇極多，基座商場係MIKIKI，有好潮流服飾同食肆，同時有日式超市，深受年青家庭歡迎。行落街特色食肆甚多，少仲係隱世米芝蓮級，而且價格大眾化，大受居民歡迎。附近九龍城亦有大量泰國餐廳及甜品舖，絕對啱哂識食之人。如果要行大型商場，鑽石山荷里活廣場，又或者九龍灣的德福廣場及淘大廣場亦係唔錯選擇。
譽．港灣屬於小學43區，而中學屬於黃大仙區，保良局張永慶中學、中華基督教會協和書院，同埋保良局何蔭棠中學都係家長心儀既學校。