大圍係最近九龍既新界城市,自從港鐵及馬鐵先後落城,加上青沙隧道通車後,大圍交通比以往更方便,同時因為係新界中樞紐,令物業廣受用家歡迎。
今次介紹既由華懋集團發展的金獅花園,係大圍熱門租盤同上車盤。由13座物業組成既金獅花園,一共有2768伙單位,主打一房單位,深受用家歡迎,而由於單位銀碼細,流轉速度高,入左貨投資唔怕波升跌有個譜,承接力強。
金獅花園鄰近大圍港鐵站,搭馬鐵、港鐵都好方便,同時港鐵站旁亦有多條巴士及小巴路線穿梭各區,交通便利令好多上車一族都鐘情呢個屋苑。
金獅花園住戶要滿足日常生活所需,鄰近既新翠、新田邨有好多民生商舖,同時亦都有唔少食肆可供選擇。住戶如果要SHOPPING,可以去鄰近既新城市廣場為首的購物圈,多個商場提供日式百貨、潮流服式、電器用品,貨品真係多到你揀唔曬。
金獅花園屬於小學88校網,家長有唔少學校可以選擇,而中學屬於沙田區,有好多名校可供選擇,包括沙田崇真中學、沙田官立中學,沙田蘇浙中學,以及聖羅撒書院,都係區內熱門學校之選,好多家長都想子女報讀。