紅磡過去係一個商住混合區,自從黃埔花園發展,成為左呢區既中心。過去只靠小巴駁腳去東鐵或者港鐵線,唔算好就腳,自從港鐵伸延線落成後,黃埔花園塞車問題解決,樓價都全面解封,以倍數攀昇。
黃埔花園同美孚新邨可以話係九龍區兩大龍頭中產屋苑。屋苑由88座物業組成,由於早年受高度限制,單位樓高16層,面積由351呎到1110呎,係投資同自住都有,客路廣,流轉快,單位保值能力高,係黃埔花園多人㨂既原因。
黃埔花園既生活配套,真係絕對無敵。喺黃埔廣場有戲院、著名食肆、日式百貨,潮流服裝,生活選擇多到你揀唔晒。行返去黃埔新邨,有唔少特色香港食肆,同時亦都有大型街市,民生百貨同新鮮食材樣樣齊,豐儉由人,總有一間舖頭啱你心水。想享受人生,附近既海逸酒店可以一路望海、一咯嘆茶,人生一樂也。
講到交通,黃埔花園可以話係無敵至尊。樓下就係港鐵站出口,去港島15分鐘之內,行一陣就到紅磡站,去東鐵同過關一樣方便。區內有多條唔同巴士、小巴線,基本上香港、九龍、新界完全可以直達,而且有通宵線行走,仲有船去北角,咁既交通,仲有乜嘢可以批評。
黃埔花園位處35小學校網。而中學校網,屬於九龍城,可以話係BAND1至強校網,好多人高價租屋都係為左呢個校網,名校好似拔萃男書院、喇沙書院、協恩中學、香港培正中學,民生書院等,都係傳統九龍城區名校。