【 九龍搵樓】淘大花園.星河明居.譽・港灣.三大生活型格屋苑

香港人對生活有種種要求!買樓最好有齊交通便利,娛樂購物,生活享受等等要素, 呢啲咁正嘅屋苑,你都會問喺邊度先可以搵到! 唔使周圍問啦,今集我地Show俾你睇嚇啦。

 平時假日,唔少人會去九龍灣購物,因為商場同生活設施豐富, 亦因為咁,淘大花園就特別受到買家歡迎。 淘大花園由四期組成,共19座,提供近4900個單位,以一至兩房戶為主打。 鍾意熱鬧啲,可以揀近淘大商場嘅第1-3期!想生活清靜啲?鄰近佐敦谷嘅第四期,呢度環境清幽,絕對係喜愛寧靜人士嘅好選擇! 無論邊期都好,出九龍灣站都只係4-6分鐘架咋! 生活方面,淘大商場應該無乜人唔識!以平民式消費為主嘅商場,加埋300幾間商戶,精品小店、潮牌服飾、超級食街等等,選擇繁多! 而附近嘅德福廣場,就提供更加多元化嘅享受!

跟住要介紹嘅,就係備受歡迎嘅鑽石山名盤-星河明居星河明居,位於龍蟠街3號!屬於鑽石山站上蓋物業! 整個屋苑一共分五座,樓高50層,有近1,700個單位, 除咗頂層有少量嘅複式單位之外,其餘統一「三房」間隔,面積大約500至600尺左右,大把「生活空間」俾你享受。 屋苑會所設備齊全,近10萬呎嘅私人會所同花園平台,為住戶提供鬧市中嘅空中花園。 屋苑平台下面,就係區內大型商場-荷里活廣場,各式商鋪應有盡有,睇戲食飯購物一應俱全。 地面除咗鑽石山地鐵站外,仲有埋大型交通中心,港九新界、連西貢嘅車都有,方便程度可想而知!

跟住要介紹嘅,就係無幾遠新蒲崗嘅地標屋苑︰譽・港灣啦。 2010年入伙嘅譽港灣,由5座物業組成,有近1,200個單位 , 間隔由1房至4房不等,頂層亦有少量複式單位,長年受到大量換樓客追捧。 呢度嘅高級大型會所設備充足,而且設計時尚,絕對能夠滿足你嘅高要求。 加上呢度交通優勢亦非常大!前往啟德站只需約5-8分鐘路程,日後屯馬線+沙中線集合一身,勢必往來更加靈活, 而附近巴士線路繁多,去港九新界都非常方便。 另外一個賣點,就係屋苑坐擁大型商場Mikki!由高級超市,以及潮流店鋪樣樣齊備,完全滿足生活所需! 而且附近亦有好多不同嘅地道小店,隱世美食俾你慢慢揀!

想了解更多關於以上屋苑嘅資訊,立即聯絡我哋啦!

相關文章 :

【九龍灣搵樓】德福花園.得寶花園.淘大花園.港鐵加持集大成於一身... 無論返工返學,九龍灣站永遠都人流暢旺,這裏路線四通八達,去哪裡都方便! 所以,九龍灣站附近的物業一直以來都相當受歡迎!人稱九龍灣三寶的德福花...
【黃大仙&九龍灣搵樓】得寶花園.龍蟠苑.現崇山.上車新手家家有求... 年輕人上車要求各有不同,有人追求生活質素,有人追求性價比高,鹹魚青菜各有所愛,但上車靚盤又從何入手?   今次帶大家去黃大仙同九龍灣,以下靚...
【將軍澳&坑口搵樓】天晉.新寶城.帝景灣.港鐵搵樓指南... 不少人選擇在將軍澳搵樓,就是喜歡這裏旺中帶靜,雖然將軍澳區近年交通發達,但如果可以找到一個靠近港鐵站的屋苑,出入就更加便利,今次就同大家介紹...
【啟德搵樓】嘉匯.龍譽.啟德一號II.港鐵屋苑新力軍... 傳統港鐵沿線嘅屋苑,相信大家都好熟悉, 不過,近年唔少新站相繼落成,有啲地區已經變成左港鐵嘅覆蓋範圍, 例如今集介紹嘅啟德,就係一個極具潛力...
分享: