海景、海濱長廊、綠化公園、大型商場、港鐵、新型康樂設施，要集齊咁多優點既優質生活盤，真係好難搵，不過將軍澳既THE PARKSIDE，可以滿足晒你以上要求。
2015年入伙既THE PARKSIDE，有寵物公園、單車公園、毗鄰海濱長廊，由會德豐發展，屋苑5座物業每幢樓高28層，合共提供591伙單位，開則由1房到4房都有，同時設有會戶，有泳池、健身室等設施，由於環境清幽，加上四週社區建設完善，吸引唔少區內居民換樓。
THE PARKSIDE距離將軍澳站8分鐘路程，返工返學有晒時間預算。去港島東區同九龍都係10分鐘車程，寶𨙨路有多條巴士同小巴線可以去港九新界各地，同時有巴士直達機場，唔搭港鐵都有把選擇。就算通宵亦都有車出港島，真係24小時都有車返屋企。
THE PARKSIDE自設基座商場，能滿足基本需要。附近既POP CON可以話係將軍澳最新既大型商場，生活選擇多，大型超市、潮流服飾、電子產品，應有盡有。仲有POP WALK、都會駅、將軍澳中心同埋將軍澳廣場，林林總總既購物選擇都有。除左購物，住戶亦都可以選擇到區內既酒店，HIGH TEA享受生活。如果你喜歡運動，可以去調景嶺體育館、將軍澳單車館，又或者去將軍澳運動場跑步，亦可以選擇海濱長廊同公園休息。
THE PARKSIDE位處95校網，有超過22間小學可供住戶子女入讀，當中部份深受區內家長歡迎，好將軍澳天主教小學、宣基小學。中學亦都有唔少具備優良質素，好似迦密主恩中學、宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。