新界西過去交通一直都係出入最大問題,自籨西鐵通車後,好似打通任督二脈,樓價好似坐直昇機咁。其中元朗亦都由傳統鄉鎮,變成新界西既中心地帶,改變左生活形態。
YOHO MID TOWN可以話係元朗私樓既地標,2010年落成既YOHO MID TOWN,由八座物業組成屋苑,提供1890個單位,開則有兩房至四房單位,同時設有特色戶,俾財力雄厚既住戶有更多選擇。
YOHO MID TOWN自設大型會所,設有室外同室內泳池、大型園林燒烤樂園、娛樂區及宴會廳。除左會所,YOHO MID TOWN附近既球場、康樂設施齊備,可以去大棠行山郊遊,適合你做運動同接觸大自然。
YOHO MID TOWN生活配套完善,YOHO MALL係元朗最大型既商場,戲院、潮流服飾、日式百貨同各式食肆一應俱全。如果想享受傳統元朗美食,大馬路多到你揀唔曬,中西美食同埋傳統糕點,樣樣有齊。
YOHO MID TOWN屬於小學74校網,區內有唔少具質素小學,元朗區中學亦都有好多名校,天主教崇德英文書院、新界鄉議局元朗區中學、元朗信義中學,都係元朗區內著名學校,好多家長爭住報名。
YOHO MID TOWN另一項賣點,就係無敵既交通網。西鐵由元朗出九龍半個鐘之內,而樓下既巴士總站線路多不勝數,去香港、九龍、新界都無難度,一車直達。出返大馬路,有輕鐵同小巴,遠近交通工具都有得任揀。