好多人都想有海景樓、四正則，同埋鐵路網，最好有埋獨立屋享受生活，就人生一樂也。雖然咁多條條件好似好難搵，但其實喺馬鞍山區絕對有得揀。
2011年入伙既天宇海，由長實發展，屋苑由6座24層高物業，以及14座獨立屋組成，提供1143個單位，全部主打大單位，由三房到四房都有，全部至少有兩套廁，深受區內換樓客歡迎。同時由於前排望海，加上位置馬鞍山海濱長廊，環境優美，好多區外客近年都搬入黎。
講到配套，天宇海真係無得輸。樓高五層9萬呎豪華會所，一返屋企就有皇者級享受。停車場有400個位，搭電梯直落，私隱度高，啱晒名人心水。附近有民生商舖，保証有飯到肚。如果要SHOPPING，新港城同馬鞍山中心有好多商舖以備選擇。又可以去西沙茶座，感受外國風情。
雖然天宇海好多住戶都係有車階級，但交通絕對方便。行十分鐘就到馬鐵恆安站，同時附近有唔同既巴士線同小巴線去新界同九龍區，交通可達度比以往大大改善。
天宇海屬於小學89校網，包括，保良局雨川小學，，馬鞍山循道衛理小學，聖公會主風小學等。中學屬於沙田區，一般以傳統名校較受歡迎，好似沙田官立中學、聖羅撒書院、沙田崇真中學等等，而馬鞍山區內既德信中學，都係英文中學，亦都受家長歡迎。