過去將軍澳發展時部份樓盤位置距離遠,生活配套唔能夠互補不足,不過將軍澳站一帶物業,係綠相連結,能夠自成生活圈,而將軍澳廣場係近年其中一個熱門上車盤
將軍澳廣場由8座兩期物業組成,單位可望市景同內園景,合共提供2880個單位,間格分兩房同3房,由於鄰近港鐵,吸引年青一族上車,亦係區內換樓客既熱門選擇。
將軍澳廣場附近既購物選擇非常之多,本身既將軍澳廣場已經係一個大型商場,能夠滿足住戶要求。寶盈花園、都會駅、POPCORN、將軍澳中心,林林總總既購物選擇都有,。除左購物,住戶亦都可以選擇到區內既酒店,HIGH TEA享受生活。又可以郊遊西貢,搭車都係半個鐘。如果你喜歡運動,可以去調景嶺體育館,單車公園或者將軍澳運動場跑步,或者附近參與攀石活動。
將軍澳廣場步行去將軍澳站,腳程只係5-6分鐘,出街返工話咁快就,而將軍澳港鐵站旁邊,亦有多條巴士同小巴線可以去港九新界各地,同時有巴士直達機場。就算通宵亦都有車出港島,真係24小時都有車返屋企。
將軍澳廣場位處95校網,有超過22間小學可供住戶子女入讀,中學亦都有唔少具備優良質素,好似迦密主恩中學、基督教宣道會宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。