1999年落成既新寶城,由恆基發展,屋苑由6座物業組成,合共2184伙單位,有兩房同三房單位,但主打兩房,部可以享有海景,由於選擇多,供應足,新寶城係上車一族既熱門選擇,而由於毗鄰港鐵,間格四正,物業絕對保值。
將軍澳坑口可以話係區內最有特色社區,有連成一線既大型商場,同時有民生商戶、特色美食,以及坐擁鐵路以及將軍澳隧道優勢,當中不乏上車荀盤,新寶城就係最佳選擇。
新寶城位處95校網,有超過22間小學可供住戶子女入讀,當中部份深受區內家長歡迎,好似保良局陸慶濤小學、將軍澳天主教小學、宣基小學。中學亦都有唔少具備優良質素,好似迦密主恩中學、宣基中學同將軍澳官立中學,都係區內傳統名校。同時亦都有多間國際學校落成,好似香港思貝禮學校、法國國際學校,都係將軍澳區既國際學校,為住戶子女,提供更多唔同既教育選擇。
新寶城設有基座商場,可以滿足住戶基本生活需要,毗鄰東港城設大型商場,有各類型商舖、超市、食肆,近年加入日式百貨,同時假日喺商場經常有特別活動,人流旺。附近厚德邨、明德邨商場,林林總總既購物選擇都有,街市翻新之後,行得更加舒適。住戶搭小巴去西貢郊遊都係半小時左右,同時可以去附近既寶康公園、泳池做運動。如果想試下特色美食,坑口村一定唔會令你失望。
新寶城毗鄰港鐵坑口站,行天橋直達屋苑,打風都唔伯淋濕身。新寶城喺港鐵落成前,屬於市中心,交通配套齊備。坑口站有多條巴士線去港九新界,小巴線亦都唔少,同時坑口村有小巴直出彩虹站,交通可達度絕對係吸引買家既原因。