深水埗係傳統商住混合區,隨住近年發展,西九龍住宅群出現結構性變天,位於D2對面既西九四小龍鄰近港鐵,同時交通四通八達,樓價非常硬淨,細單位為主既昇悅居,更加係上車第一站。
2003年入伙既昇悅居,屋苑由七座物業組成,提供2434個單位,其中由一房到特色戶開則都有,以兩房細單位主打。
昇悅居屋苑設計出色,由屋苑行落港鐵荔枝角站全程有上蓋遮頭,唔怕大雨淋濕。由屋企行到港鐵站只係10分鐘,唔鍾意搭港鐵,可以去返長沙灣道同荔枝角道搭巴士同小巴,總有一條線啱你。
昇悅居連接泓景台、宇晴軒商場,自成一角獨立生活圈,為四小龍住戶提供唔同服務,有大型超市、連鎖快餐店,行過兩步亦都有日式百貨,基本上生活可以不假外求,滿足基本需要。行天橋過海麗村,有唔少民生商店,比住戶有更多既選擇
昇悅居設有會所,同時設有私家花園,並且獲得園林設計獎,最啱俾住戶放鬆有恆溫泳池、健身室、體育館、同時自設餐廳俾住戶使用,返到屋企可以真正享受中產生活態度,遠離煩塵。
昇悅居屬於小學40校網,中學屬於深水埗區,有德貞女子中學,歷史悠久既英華書院、聖馬加利男女英文中小學等等,都係區內熱門名校之選。