1998年金融風暴，曾經令不少業主的物業變成負資產，隨住樓市復甦，唔少都成功翻身，同時成為二手市場的熱門選擇，其中，位處鑽石山站的星河明居，就係最好例子。
由會德豐發展興建既星河明居，1998年入伙，5座物業組成屋苑，合共1684個單位，樓高50層。單位開則以三房為主，鑽石廳設計唔會同對面單位對望。買家通常係換樓客為主，由於位處港鐵上蓋，物業抗跌力強，吸引唔少投資者及家庭客。
區內配套設施齊備，屋苑附近有斧山道公園及蒲崗村道公園、近有斧山道運動場及游泳池，可以俾住戶有唔同既消閒活動選擇。
至於生活起居方面亦完善，荷里活廣場係區內最大型商場，服裝、食肆、超市一應俱全。要買民生用品同大型街市，可以去雙鳳街或者鳳德邨都有街市及多間民生店舖，種類䌓多，總有貨品合你心水。
講到交通，星河明居可以話係東九龍其中一個最佳地區。港鐵去東九龍同過海都方便，同時亦都係沙中線途經站，絕對有再升值潛力。荷里活廣場設有大型巴士總站，港九各區都方便，由於位處大老山隧道出口，搭車真係一站就到新界。
星河明居屬於45小學校網，有唔少學校可以選擇，蒲崗村道既學校邨，有聖博德天主教小學、嗇色園主辦可立小學、慈雲山天主教等等。至於中學屬於黃大仙區，保良局第一張永慶中學、保良局何蔭棠中學，以及協和書院，都係區內既名校。