馬鞍山區雖然近年落成新盤眾多,但係講到樓價保值、生活配套完善,交通整體可達度,始終係市中心物業有最大優勢,其中集齊以上優點,仲可以望吐露港同八仙嶺,非海栢花園莫屬。
由長實發展既海栢花園,1994年落成,同新港城屬於同期物業,亦都係馬鞍山既指標屋苑。由六座物業組成既海栢花園,合共提供1102個單位,有兩房同三房單位,其中部份單位設三戶露台,俾住戶開揚景觀,部份可以望八仙嶺山同吐露港海景,無論換樓客同上車客,都合心水。
講到生活配套,海栢花園絕對無得彈。樓下就係馬鞍山廣場,生活選擇多籮籮。對面既新港城除左有街市,同時有大型商場,行條天就到,橋駁通附近商場,生活圈絕對無敵。要有更多選擇,出返沙田新城市廣場就乜都有。想做運動,馬鞍山海濱長廊同公園啱晒跑步,附近亦有游泳池同體育館,要搵健康生活唔駛出區外。
自從馬鐵通車後,馬鞍山交通問題完全解決。雖然唔係馬鐵上蓋物業,但係行條天橋就到馬鞍山站,同時樓下亦都係小巴站,有車去大埔同大學站,亦有唔同既巴士線去港島同九龍區,海栢花園同新港城,係區內最強交通網絡之選。
海栢花園屬於小學89校網,包括,保良局雨川小學,,馬鞍山循道衛理小學,聖公會主風小學等。中學屬於沙田區,一般以傳統名校較受歡迎,好似沙田官立中學、聖羅撒書院、沙田崇真中學等等,而馬鞍山區內既德信中學,都係英文中學,亦都受家長歡迎。