1988年入伙既海濱花園，屋苑由20座物業組成，提供5600多個單位，以物業伙數而言，是荃灣僅次於麗城的第二大屋苑。物業有兩房同三房開則，間格四正好用，內園景望球場，環境清靜，深受用家歡迎，加上價錢合理，啱晒上車一族。
荃灣有唔少上車盤供用家選，不過質素參差，新盤價格未必人人可以負擔。講到選擇多、有質素、流轉快，以及保值盤，首推海濱花園。
海濱花園既生活配套多選擇，樓下有少部份民生商舖，對面馬路既海灣花園有超市同生活用品，可以滿足基本生活所需。附近既楊屋道街市、乾濕貨齊備，生猛海鮮、蔬菜樣樣齊備，荃新天地、荃灣廣場、灣景廣場，有潮流服裝、日本百貨，各國美食，以及戲院，購物消閒真係大把選擇。
除咗購物，隔離既荃灣公園亦係周末一家大細既消閒好去處，而荃灣海濱更吸引市民前來欣賞日落美景。
海濱花園樓下就係巴士總站，有唔少巴士線可以選去各區。如果要搭鐵路，可以駁一腳小巴去荃灣港鐵站，或者行十分鐘去荃灣西站。自從西鐵通車之後，住戶交通時間有預算，去港島話咁快就到。同時區內有多條唔同巴士同小巴線可供選擇，海灣花園今時今日既交通真係完全唔成問題。
海濱花園屬於小學62校網，荃灣官立小學、浸信會聯會小學，海霸街官立小學、都係家長熱門選擇。中學方面，荃灣官立中學、可風中學、荃灣公立何傳耀紀念中學，王少清中學，都係荃灣名校，唔少家長都想子女入讀。