將軍澳係東九龍近四份一世紀發展最快區份，盤源多不勝數，位於調景嶺既維景灣畔，絕對係呎價指標。
維景灣畔坐落調景嶺港鐵站，3期合共15座，提供超過5700個單位。單位開則多元化，由一房、兩房至三房連套房都有，吸引唔同客路，其中以兩房單位供應量最多，啱晒新婚同單身一族。
維景灣畔開則戶戶獨立，距離足夠開揚，第一至第三座向南單位可享維多利亞海景，唔駛去高級食府都可以飽覽香港景色。其餘望山景同埋內園景。
維景灣畔設有會所，室外、室內泳池、保齡球場、網球場、璧球場，所有中產運動項目場地，都可以喺屋苑搵到。同時屋苑既公共空間綠化非常優美，而且座座相連，成為一個大型屋苑休憇空間，住戶有如置身大型公共公園一樣。
維景灣畔自設商場，有少量舖頭，另外有天橋接連都會駅商場，有唔少類型商舖，好似酒樓、超級市場、家居日用店舖，能夠滿足唔同住戶既購物同食住需要。
講到交通，維景灣畔接連調景嶺港鐵站，無論去觀塘同埋過海，都係10分鐘之內車程就一定到達，返工返學準時無難度。唔想搭港鐵，巴士站既巴士線眾多，可以俾住戶有唔同選擇往港九、新界各區，梗有一架合你心水。
維景灣畔屬於小學95校網，當中部份深受區內家長歡迎。例如迦密主恩中學、基督教宣道會宣基中學同將軍澳官立中學，都係區內傳統名校。同時亦都有多間國際學校落成，好似香港思貝禮學校、法國國際學校，都係將軍澳區既國際學校，為住戶子女，提供更多唔同既教育選擇。